“PAYONİX” PROQRAM TƏMİNATININ İSTİFADƏSİ ÜZRƏ
MƏXFİLİK SİYASƏTİ
Bu Məxfilik Siyasəti Proqram Təminatından istifadə edilməsi, habelə Müqavilə imzalanması nəticəsində Müştərilərə və ya Partnyorlara (bundan sonra “Siz”, yaxud müvafiq olaraq “Müştəri” və ya “Partnyor”) və BakuPay-ə məlum olan fərdi məlumat, kommersiya və dövlət sirlərinin mühafizəsini tənzimləyir.
Xahiş edirik, Proqram Təminatından istifadə etməzdən və Partnyor Hesabı və ya Müştəri Hesabı açmazdan əvvəl Məxfilik Siyasətini diqqətlə oxuyun. Nəzərə alın ki, bu MƏXFİLİK SİYASƏTİNƏ MÜNASİBƏTDƏ “RAZIYAM” DÜYMƏSİNİ SIXDIĞINIZ ANDAN ETİBARƏN BU MƏXFİLİK SİYASƏTİNİ QƏBUL ETMİŞ OLURSUNUZ VƏ BU MƏXFİLİK SİYASƏTİ AZƏRBAYCAN RESPUBLİKASININ QANUNVERİCİLİYİ İLƏ SİZİN ÜÇÜN MƏCBURİ HÜQUQİ QÜVVƏ DAŞIYAN MÜQAVİLƏ HESAB EDİLİR.
Bu Məxfilik Siyasətində fərdi məlumatların mühafizə edilməsi üçün BakuPay-in verdiyi təminatlar mümkün olduğu qədər kommersiya və dövlət sirlərinə də tətbiq edilir.
Məxfilik Siyasəti Sizdən barənizdə topladığımız fərdi məlumatları necə istifadə edəcəyimiz barədə məlumatlardan ibarətdir.
Bu Partnyorlar üçün İstifadə Qaydalarında böyük hərflərlə qeyd olunmuş söz və ifadələr aşağıdakı mənaları verir:
BAKUPAY dedikdə Azərbaycan Respublikasının qanunvericiliyinə uyğun olaraq təsis edilmiş, Proqram Təminatı və payonix.com veb-saytı üzərində bütün mülkiyyət və əqli mülkiyyət hüquqlarının sahibi olan “BakuPay” Məhdud Məsuliyyətli Cəmiyyəti başa düşülür.
PROQRAM TƏMİNATI dedikdə BakuPay tərəfindən hazırlanan, obyekt və mənbə kodları da daxil olmaqla bütövlükdə BakuPay-ə məxsus olan, Partnyor və Müştərilər tərəfindən payonix.com ünvanından yüklənən, Partnyora öz satış nöqtəsini qeydiyyatdan keçirməyə, Müştərilərə isə Partnyorların satış nöqtələrində təqdim edilən xidmətləri və ya malları əldə edərkən ödənişləri yerinə yetirməyə imkan yaradan bulud texnologiyası proqram təminatı başa düşülür.
MÜQAVİLƏ Partnyorla BakuPay arasında bağlanmış Əməkdaşlıq, Proqram Təminatı Xidmət Modeli və Lisenziya Müqaviləsi başa düşülür. Bu Məxfilik Siyasəti Müqavilənin ayrılmaz tərkib hissəsi hesab edilir.
MÜŞTƏRİ dedikdə Proqram Təminatına istifadəçi hesabı yaradaraq qoşulmuş, Partnyorun satış nöqtəsində təqdim olunan xidmətləri və ya malları əldə edərkən ödənişi Proqram Təminatı vasitəsilə ödəniş edən hər hansı müştəri başa düşülür.
PARTNYOR dedikdə BakuPay ilə Müqavilə bağlamış, Proqram Təminatına Partnyor Hesabı açaraq qoşulmuş, öz satış nöqtəsində xidmət göstərən və ya mal satan hər hansı şəxs başa düşülür.
CİHAZ dedikdə Müştəri və ya Partnyor tərəfindən Proqram Təminatı yüklənilən, Müştəriyə Partnyorların satış nöqtələrində ödəniş etməyə və Proqram Təminatında yaratdığı Müştəri Hesabını idarə etməyə, Partnyora isə Proqram Təminatında yaratdığı istifadəçi hesabını idarə etməyə imkan yaradan mobil telefon, planşet və s. kimi hər hansı texniki vasitə başa düşülür.
PARTNYOR HESABI dedikdə Partnyorun Proqram Təminatında partnyor kimi qeydiyyatdan keçdikdən sonra ona təqdim edilən, özünün seçdiyi şifrə ilə mühafizə edilən və Partnyor və Müştərilər arasındakı əməliyyatların BakuPay tərəfindən aparılan qeydiyyatını görməyə imkan verən virtual hesab başa düşülür.
MÜŞTƏRİ HESABI dedikdə Müştərinin Proqram Təminatında müştəri kimi qeydiyyatdan keçdikdən sonra ona təqdim edilən, özünün seçdiyi şifrə ilə mühafizə edilən, şərti bonus pullar toplanan, Partnyorların satış nöqtələrində mal və ya xidmət əldə edərkən ödəniş etməyə imkan yaradan virtual hesab başa düşülür.
RAZILIQ dedikdə fərdi məlumatlarınızın BakuPay tərəfindən toplanılmasına, saxlanılmasına və işlənilməsinə, habelə üçüncü şəxslərə verilməsinə və transsərhəd ötürülməsinə verdiyiniz razılıq başa düşülür.
Fərdi məlumatlarınzla, kommersiya və dövlət sirləri ilə düzgün, dürüst və vicdanlı şəkildə rəftar edilməsi BakuPay-in inkişafı üçün olduqca vacibdir. Həmin məlumatların mühafizəsi üzərimizə qanunla qoyulan vəzifədir və bizim də əsas məqsədimiz Sizin məlumatlarınızı düzgün şəkildə toplamaq, saxlamaq və işləməkdir.
Xahiş edirik, hər şeydən əvvəl nəzərə alın ki, qanunvericilikdə birbaşa ayrı qayda nəzərdə tutulmayıbsa, fərdi məlumat, kommersiya və dövlət sirlərinin mühafizəsinə dair Azərbaycan Respublikasında tətbiq edilən bütün normativ hüquqi aktlar müvafiq qaydada Proqram Təminatından istifadə nəticəsində Sizə və BakuPay-ə məlum olan istənilən məlumata münasibətdə də tətbiq edilir.
Fərdi məlumatların mühafizəsi haqqında normativ hüquqi aktlara uyğun olaraq bizdən kim olduğumuz, fərdi məlumatlarınızdan necə və hansı məqsədlər üçün istifadə etdiyimiz və fərdi məlumatlarınızla bağlı hüquqlarınız barədə Sizə məlumat verməyimiz tələb olunur. BU MƏLUMAT SİZƏ BU MƏXFİLİK SİYASƏTİNDƏ PAYONİX.COM ÜNVANI VƏ PROQRAM TƏMİNATI VASİTƏSİLƏ TƏQDİM EDİLİR VƏ ONU OXUMAĞINIZ VACİBDİR.
Sizin kimliyinizi birbaşa və ya dolayı yolla müəyyən etməyə imkan verən istənilən məlumat fərdi məlumat hesab edilir. Fərdi məlumatlarınızın qorunmasına BakuPay bu Məxfilik Siyasətində təminat verir.
Proqram Təminatı proqram təminatı xidmət modeli olmaqla açıq bulud texnologiyası olduğu kimi, BakuPay Azərbaycan Respublikasının qüvvədə olan fərdi məlumatların mühafizəsi haqqında qanunvericiliyinə uyğun olaraq Sizin fərdi məlumatlarınızın toplanmasını və işlənməsini həyata keçirir. Bununla da, BakuPay Sizin fərdi məlumatlarınızdan istifadə etməklə fərdi məlumatların informasiya sistemi və / və ya fərdi məlumatların informasiya ehtiyatları yarada bilər.
Nəzərə alın ki, BakuPay fərdi məlumatlarınızı yalnız Siz icazə verdiyiniz həddə toplayacaq, onlardan yalnız Siz icazə verdiyiniz həddə istifadə edəcək və həmin məlumatları yalnız Sizin seçdiyiniz şəxslərə ötürəcək.
Proqram Təminatının avtomatik olaraq BakuPay tərəfindən yenilənməsi Cihazın məsafədən idarə edilməsi və Cihazdakı məlumatların BakuPay tərəfindən əldə edilməsi hesab edilmir.
Biz Müştərilərin Partnyorların ticarət və ya ictimai iaşə obyektlərində mal və ya xidmət əldə edərkən Proqram Təminatı vasitəsilə ödəniş etmələrinə imkan yaradan yüksək texnologiya xidmətlərinin göstərilməsi üzrə ixtisaslaşmışıq. Proqram Təminatı ödəniş sistemidir və burada Siz öz elektron pul qabınızı yarada bilərsiniz.
Əlaqə məlumatlarımız
Tam əlaqə məlumatlarımız bunlardır:
Fərdi məlumatlarınızı toplayarkən, saxlayarkən, işləyərkən və ya üçüncü şəxslərə ötürərkən aşağıdakı prinsipləri özümüzə rəhbər tuturuq:
Nəzərə alın ki, bu Məxfilik Siyasətinin X fəslində nəzərdə tutulan qaydada fərdi məlumatlarınızın mühafizəsinin səviyyəsi BakuPay-in yuxarıda nəzərdə tutulan prinsiplərə əməl etməsi ilə bərabər tutulur.
Proqram Təminatında Partnyor Hesabı və ya Müştəri Hesabı yaradarkən Sizə təqdim edilən formanı qəbul edərək Razılıq verməlisiniz. Həmin Razılıqda Siz heç bir təsir altında olmadan öz azad iradənizlə formada göstərilən şərtləri qəbul etdiyinizi göstərirsiniz. BakuPay hər bir halda qanuni fəaliyyət göstərir və fərdi məlumatlarınızı qanunla icazə verilən həddə və qaydada toplayır. Bununla belə, BakuPay-in həyata keçirdiyi fəaliyyətin, habelə fərdi məlumatlarınızı toplamağının qanuniliyinə hər hansı şübhəniz varsa, bu Məxfilik Siyasətini qəbul etməyin və Razılıq verməyin. Nəzərə alın ki, qanunvericiliyin tələbi ilə biz Sizdən Razılığınız olmadan hər hansı məlumatınızı toplaya bilmərik. Həmçinin qanunvericiliyin tələbi ilə, məlumatlarınızı toplayarkən bunun məqsədini, habelə kimliyimizi Sizə tam açıqlamalıyıq.
Fərdi məlumatlarınız yalnız qanuni, əvvəlcədən müəyyən olunmuş və bəyan edilmiş məqsədlər üçün toplanılır və göstərilmiş məqsədlərə uyğun üsullarla işlənilir.
Şərtlərimizlə razı deyilsinizsə, Partnyor Hesabınızı və ya Müştəri Hesabınızı ləğv etməklə Razılığı ləğv edə bilərsiniz, lakin bu, Razılığınızı ləğv etməzdən əvvəl aparılmış hər hansı işlənilmənin etibarlılığına təsir göstərmir.
Məxfilik Siyasətimizi mütəmadi olaraq nəzərdən keçiririk.
Bu versiya sonuncu dəfə [01.09.2020] tarixində yenilənmişdir. Dəyişikliklər vaxtaşırı edilə bilər və edilən dəyişikliklər barədə biz Sizə məlumat verəcəyik. Məxfilik Siyasətində edilən hər bir dəyişiklik Sizə bu barədə məlumat verdiyimiz andan etibarən Sizin tərəfinizdən qəbul edilmiş hesab edilir. Əgər dəyişikliklərlə razı deyilsinizsə, zəhmət olmasa, Müştəri Hesabınızı və ya Partnyor Hesabınızı deaktiv edin.
Sizin haqqınızda müxtəlif növ fərdi məlumatları aşağıdakı qaydada toplaya, saxlaya və ya işləyə bilərik:
Biz həmçinin hər hansı məqsəd üçün adsızlaşdırılmış statistik məlumatlar saxlayırıq, işləyirik və həmin məlumatları üçüncü şəxslərə ötürə bilərik. Statistik məlumatlar Sizin fərdi məlumatlarınızdan əldə edilə bilər, lakin bu məlumatlar Sizin kimliyinizi müəyyən etməyə imkan verən məlumatlar olmadığı üçün, qanunla fərdi məlumatlar hesab edilmir (adsızlaşdırılmış məlumatlar).
Haqqınızda aşağıdakı məlumatları toplayacaq və işləyəcəyik:
Bu istifadə məlumatlarına aşağıdakılar daxil ola bilər:
Bu məlumatlar kukilərdən və digər oxşar texnologiyalardan istifadə etməklə toplanılır.
Payonix.com internet saytından və Platformadan istifadə etməklə məlumatların saxlanması və ya toplanması üçün izləmə texnologiyalarından istifadə etməyimizə razılıq verirsiniz.
Fərdi məlumatlarınızdan yalnız qanunla icazə verildikdə istifadə edirik. Fərdi məlumatlarınızdan başlıca olaraq aşağıdakı hallarda istifadə edəcəyik:
Bu Məxfilik Siyasətində, Müqavilədə, Müştərilər üçün İstifadə Qaydalarında və Partnyorlar üçün İstifadə Qaydalarında göstərilən hallar istisna olmaqla, Sizdən topladığımız məlumatları açıqlamayacağıq. Fərdi məlumatlarınızı üçüncü tərəflərin birbaşa marketinq məqsədləri üçün üçüncü tərəflərlə yalnız adsızlaşdırılmış şəkildə paylaşyacağıq.
Yalnız Sizin Razılığınız olduqda, Sizə elektron poçt məktubu və ya mətn vasitəsilə birbaşa marketinq yazışmalarını göndərəcəyik. İstənilən vaxt bizimlə əlaqə saxlamaqla həmin Razılığı ləğv etmək hüququnuz vardır.
Fərdi məlumatlarınızı marketinq məqsədləri üçün hər hansı üçüncü tərəflə bölüşməzdən əvvəl Sizin razılığınızı alacağıq.
Nəzərə alın ki, qanunvericilik ilə tələb edildiyi hallarda BakuPay fərdi məlumatlarınızı məhkəmə qərarı olmadan dövlət orqanlarına ötürə bilər.
Fərdi məlumatlarınızın məxfiliyi tərəfimizdən toplanıldığı andan etibarən mühafizə edilir. Bu halda məlumatlarınız konfidensial və açıq olmaqla 2 (iki) növə ayrılır. Konfidensial məlumatlarınızın məxfiliyini hər bir halda qoruyuruq və Sizin razılığınız olmadan həmin məlumatları üçüncü şəxslərə ötürməyəcəyik. Açıq fərdi məlumatlarınızın qanunvericilik ilə konfidensiallığının qorunması tələb edilmir və həmin məlumatların konfidensiallığını qorumaq öhdəliyi daşımırıq. Aşağıdakı fərdi məlumatlarınız açıq hesab edilir:
Bizə təqdim etdiyiniz bütün məlumatlar mühafizə edilən serverlərdə saxlanılır. İstənilən ödəniş əməliyyatlarını, seçdiyimiz və ödənişin işlənilməsi xidmətlərini yerinə yetirən üçüncü tərəf həyata keçirir. BakuPay fərdi məlumatlarınızın mühafizəsini təmin etmək məqsədilə bu sahədə nəzarət etmək üçün hər hansı bir əməkdaşını ayıracaq. PARTNYOR HESABINIZA VƏ YA MÜŞTƏRİ HESABINIZA ÇIXIŞ ƏLDƏ ETMƏK ÜÇÜN SİZƏ TƏQDİM EDİLƏN ŞİFRƏLƏRİN MƏXFİLİYİNİN QORUNMASI ÜÇÜN BÜTÜN MƏSULİYYƏTİ SİZ ÖZÜNÜZ DAŞIYIRSINIZ. XAHİŞ EDİRİK, HƏMİN ŞİFRƏLƏRİ ÜÇÜNCÜ ŞƏXSLƏRLƏ BÖLÜŞMƏYİN.
Fərdi məlumatlarınızın məxfiliyinin mühafizəsinin səviyyəsi bu Məxfilik Siyasətinin IV fəslində göstərilən prinsiplərə tam əməl edilməsi ilə müəyyən edilir.
Şəxsi məlumatlarınız ciddi gizlilik, məxfilik və təhlükəsizlik ilə işləniləcək; bununla belə, xahiş edirik, nəzərə alın ki, bir yerdən digərinə hər hansı bir elektron köçürmə zamanı risklər mövcuddur.
Məlumatlarınızın mühafizəsi tələbləri pozularsa, bu barədə Sizə dərhal məlumat verəcəyik.
Fərdi məlumatların mühafizə qaydalarının pozuntusu ilə bağlı şübhəli halları aradan qaldırmaq üçün müəyyən qaydalara sahibik və qanuni şəkildə bunun edilməsi bizdən tələb edildikdə, Sizə və hər hansı tənzimləyici orqana məlumat verəcəyik.
Sizi payonix.com internet saytında, Proqram Təminatında digər istifadəçilərdən fərqləndirmək və seçimlərinizi yadda saxlamaq üçün kukilərdən istifadə edirik. Bu, Proqram Təminatından istifadə edərkən və ya payonix.com internet saytına giriş etdiyiniz zaman Sizi qabaqcıl təcrübə ilə təmin etməyimizə kömək edir və həmçinin payonix.com internet saytının və Proqram Təminatının təkmilləşdirilməsinə imkan yaradır.
BakuPay fərdi məlumatlarınıza çıxışı olan əməkdaşlarının sayını minimuma endirəcək. Bu halda, yalnız “ağlabatan dərəcədə zəruri” olan şəxslərin fərdi məlumatlarınıza çıxış hüququ olacaq.
BakuPay topladığı, saxladığı, işlədiyi və üçüncü şəxslərə verdiyi fərdi məlumatların həcmini minimuma endirəcək. Bu halda, yalnız “ağlabatan dərəcədə zəruri” olan fərdi məlumatlarınız toplanılacaq, saxlanılacaq, işləniləcək və ya üçüncü şəxslərə veriləcək.
BakuPay bu Məxfilik Siyasətinə uyğun olaraq Sizə bildirdiyi, məlumatlarınızın toplanılma məqsədlərinin həcmini minimuma endirəcək. Bu halda, BakuPay-in fərdi məlumatlarınızın toplanılması, saxlanılması, işlənilməsi və üçüncü şəxslərə verilməsinin məqsədləri yalnız “ağlabatan dərəcədə zəruri” olan məqsədlər olacaq. Həmçinin BakuPay Sizə bildirdiyi məqsədlərlə birbaşa bağlı olan məqsədlər üçün də fərdi məlumatlarınızdan istifadə edə bilər. Bu halda da həmin məqsədlər yalnız “ağlabatan dərəcədə zəruri” olan məqsədlər olacaq. Digər tərəfdən, həmin məqsədlər BakuPay-in Sizə bildirdiyi məqsədlərdən əhəmiyyətli dərəcədə fərqli və ya qeyri-adi olmayacaq.
Fişinq hücumları proqram təminatlarının yüklənilməsi və ya elektron poçt ünvanına göndərilən məktublara daxil olunması nəticəsində şəxsin fərdi məlumatlarını, şifrələrini əldə etmək və ya texniki vasitələrə dağıdıcı virus yüklənilməsi məqsədi daşıyır. Fişinq kiberdələduzluqdur və BakuPay heç bir şəkildə fişinq hücumları həyata keçirmir. Bu məqsədlə, BakuPay Sizə aşağıdakı formalarda fişinq hücumları etməyəcəyinə dair zəmanət verir:
Nəzərə alın ki, fişinq hücumları çox zaman müəyyən marka adının dəyişdirilmiş formalarından istifadə edilməsi yolu ilə həyata keçirilir. BakuPay Sizə qarşı heç bir zaman fişinq hücumları həyata keçirməyəcək. Ona görə də, domen hissəsi “BkuaPay”, “BaakuPy”, “BakuuPay”, “BakuPayy” kimi domen adlarından ibarət olan elektron poçt ünvanlarından elektron poçt ünvanınıza daxil olan elektron poçt məktublarını açmayın. Unutmayın ki, fişinq hücumları kiberdələduzluq olduğu üçün, bu hücumlar nəticəsində Sizin fərdi məlumatlarınızı, bank hesabı məlumatlarınızı, hesabınızın şifrəsinin əldə edilməsi, hətta Cihazınızın idarə edilməsi ilə nəticələnə bilər.
Fişinq hücumlarından qorunmaq üçün BakuPay Sizə aşağıdakıları tövsiyə edir:
Xüsusilə, nəzərinizə çatdırmaq istərdik ki, fişinq hücumlarını təşkil edən elektron poçt məktubları bir çox hallarda ümumi xarakter daşıyır və “hər kəsə salam” və s. kimi ifadələrlə başlayır. Digər tərəfdən, yuxarıda da qeyd etdiyimiz kimi, Müştəri Hesabınızın və ya Partnyor Hesabınızın, o cümlədən elektron poçt ünvanınızın şifrələrini üçüncü şəxslərlə bölüşməməlisiniz. Bir çox hallarda, fişinq hücumlarını həyata keçirən şəxslər elektron poçt məktubları vasitəsilə şifrələrinizi əldə etməyə cəhd göstərirlər.
Fərdi məlmatlarınızın saxlanılma müddətləri haqqında məlumatı bizə yazılı şəkildə müraciət etməklə əldə edə bilərsiniz. Bəzi hallarda fərdi məlumatlarınızı, tədqiqat və statistik, habelə hesablaşma məqsədləri üçün adsızlaşdıracağıq və bu halda həmin məlumatlardan Sizə bildirmədən müddətsiz istifadə edə bilərik. Nəzərə alın ki, həmin məlumatlardan istifadə edilməsinə qanunla icazə verilir və BakuPay yalnız qanun çərçivəsində Sizin fərdi məlumatlarınızdan istifadə edir.
Azərbaycan Respublikasının hazırda qüvvədə olan qanunvericiliyinə əsasən, fərdi məlumatlarınızın mühafizəsi üzrə aşağıdakı hüquqlara sahibsiniz:
info@bakupay.az elektron poçt ünvanımızla əlaqə saxlamaqla istənilən vaxt bu hüquqların hər hansı birindən yararlana bilərsiniz.