MÜŞTƏRİLƏR ÜÇÜN İSTİFADƏ QAYDALARI
Bu Müştərilər üçün İstifadə Qaydaları Proqram Təminatının, Proqram Təminatından istifadə etməklə mal və ya xidmət əldə edən istifadəçilər (bundan sonra “Siz” və ya “Müştəri”) tərəfindən istifadə edilməsi, həmçinin Proqram Təminatı vasitəsilə digər əməliyyatların yerinə yetirilməsi qaydalarını tənzimləyir.
Xahiş edirik, Proqram Təminatında Müştəri kimi qeydiyyatdan keçməzdən əvvəl bu Müştərilər üçün İstifadə Qaydalarını diqqətlə oxuyun. Nəzərə alın ki, bu Müştərilər üçün İstifadə Qaydalarına münasibətdə “razıyam” düyməsini sıxdığınız andan etibarən bu Müştərilər üçün İstifadə Qaydalarını qəbul etmiş olursunuz və bu Müştərilər üçün İstifadə Qaydaları Azərbaycan Respublikasının qanunvericiliyi ilə Sizin üçün məcburi hüquqi qüvvə daşıyan müqavilə hesab olunur.
Payonix.com veb-saytı, Proqram Təminatı, onların məzmunu BakuPay-in mülkiyyətindədir.
Bu Müştərilər üçün İstifadə Qaydalarında qeyd olunmuş söz və ifadələr aşağıdakı mənaları verir:
BAKUPAY dedikdə Azərbaycan Respublikasının qanunvericiliyinə uyğun olaraq yaradılmış, Proqram Təminatı, payonix.com veb-saytı üzərində bütün mülkiyyət və əqli-mülkiyyət hüquqlarının sahibi olan “BakuPay” Məhdud Məsuliyyətli Cəmiyyəti başa düşülür.
PROQRAM TƏMİNATI dedikdə BakuPay tərəfindən hazırlanan, obyekt və mənbə kodları da daxil olmaqla bütövlükdə BakuPay-ə məxsus olan, Partnyor və Müştərilər tərəfindən payonix.com ünvanından yüklənən, Partnyora Satış Nöqtəsini qeydiyyatdan keçirməyə, Müştərilərə isə Satış Nöqtəsində təqdim edilən xidmətləri və ya malları əldə edərkən ödənişləri yerinə yetirməyə imkan yaradan publik bulud texnologiyası proqram təminatı başa düşülür.
PARTNYOR dedikdə BakuPay ilə əməkdaşlıq, proqram təminatı xidmət modeli və lisenziya müqaviləsi bağlamış, Proqram Təminatına partnyor hesabı açaraq qoşulmuş, Satış Nöqtəsində xidmət göstərən və ya mal satan hər hansı şəxs başa düşülür.
QR KOD dedikdə Müştəri tərəfindən Satış Nöqtəsində ödəniş edilərkən Proqram Təminatı vasitəsilə Cihaza oxudulan, qara və ağ kvadratlardan ibarət olan, Satış Nöqtəsində müvafiq qaydada yerləşdirilmiş, maşınla oxunan kod başa düşülür.
SATIŞ NÖQTƏSİ dedikdə Partnyorun sərəncamında olan, Partnyorun xidmət göstərdiyi və ya mal satdığı hər hansı ticarət və ya ictimai iaşə obyekti başa düşülür.
CİHAZ dedikdə Müştəri və ya Partnyor tərəfindən Proqram Təminatı yüklənilən, Müştəriyə Satış Nöqtəsində ödəniş edərkən QR Kodu oxumağa və Proqram Təminatında yaratdığı Müştəri Hesabını idarə etməyə, Partnyora isə Proqram Təminatında yaratdığı istifadəçi hesabını idarə etməyə imkan yaradan mobil telefon, planşet və s. kimi hər hansı texniki vasitə başa düşülür.
REAL MANAT dedikdə Müştərinin Müştəri Hesabındakı Elektron Pul Qabına elektron kart və ya ödəniş terminalları vasitəsilə köçürdüyü, Müştərinin yalnız Partnyorların təqdim etdiyi mal və ya xidmətləri əldə edərkən Proqram Təminatı vasitəsilə ödəniş vasitəsi kimi istifadə etdiyi şərti pullar başa düşülür.
BONUS MANAT dedikdə Müştərinin Partnyorların təqdim etdiyi xidmətləri və ya malları əldə edərkən Proqram Təminatından ödəniş vasitəsi kimi istifadə etdiyi hallarda, Partnyorların etdiyi keşbeklər hesabına Müştəri Hesabında toplanan və yalnız Partnyorların təqdim etdiyi xidmətləri və ya malları əldə edərkən Proqram Təminatı vasitəsilə ödəniş vasitəsi kimi istifadə edə bildiyi şərti bonus pullar başa düşülür.
ELEKTRON PUL QABI dedikdə Müştəri Hesabında Real Manatların və Bonus Manatlarının toplanması üçün nəzərdə tutulan, Müştəri tərəfindən bu Müştərilər üçün İstifadə Qaydalarında nəzərdə tutulan qaydada Müştəri Hesabına köçürülən Real Manatları və Müştəri Hesabında toplanan Bonus Manatları saxlayan virtual elektronik hesab başa düşülür.
MÜŞTƏRİ HESABI dedikdə bu Müştərilər üçün İstifadə Qaydalarına müvafiq olaraq, Müştərinin Proqram Təminatında müştəri kimi qeydiyyatdan keçdikdən sonra ona təqdim edilən, özünün seçdiyi şifrə ilə mühafizə edilən, Bonus Pullar toplanan, Satış Nöqtələrində Real Manat və Bonus Manatlardan istifadə etməyə imkan yaradan virtual hesab başa düşülür.
Müştəri Proqram Təminatını Cihaza yüklədikdən sonra “Qeydiyyatdan keç” düyməsini sıxaraq Proqram Təminatında Müştəri Hesabı yaratmalıdır.
Düyməni sıxdıqdan sonra, əgər Siz bu Müştərilər üçün İstifadə Qaydalarında nəzərdə tutulan şərtlərlə razısınızsa, Proqram Təminatı vasitəsilə “Bu Müştərilər üçün İstifadə Qaydalarında nəzərdə tutulan şərtlərlə razısınızmı?” sualına “razıyam” düyməsini sıxmaqla cavab verməlisiniz. Nəzərə alın ki, yuxarıda göstərilən qaydada “razıyam” düyməsini sıxmağınız bu Müştərilər üçün İstifadə Qaydalarını qəbul etməyiniz olaraq hesab ediləcək. Bu halda Proqram Təminatı Sizə Müştəri Hesabının yaradılması üçün müvafiq addımların atılması üçün imkan verəcək. Həmin andan etibarən bu Müştərilər üçün İstifadə Qaydalarının şərtləri Sizin üçün məcburi hüquqi qüvvə daşıyacaq.
Digər tərəfdən, nəzərə alın ki, yuxarıda göstərilən qaydada “xeyr” düyməsini sıxmağınız Sizin bu Müştərilər üçün İstifadə Qaydalarının şərtlərini qəbul etmədiyinizi göstərir və bu halda, Müştəri Hesabının açılması üzrə qeydiyyatı tamamlamağınız üçün Sizə yeni pəncərə açılmayacaq.
Müştərilər üçün İstifadə Qaydalarını müvafiq qaydada qəbul etdikdən sonra Proqram Təminatı tərəfindən Sizin üçün yeni açılan pəncərədə Sizdən sorğu edilən məlumatları müvafiq qaydada yazmalısınız. Nəzərə almalısınız ki, BakuPay tərəfindən bu Müştərilər üçün İstifadə Qaydaları və Proqram Təminatının funksionallığı və spesifikasiyaları vaxtaşırı olaraq dəyişdiyi kimi, həmin tələb edilən məlumatlar da dəyişə bilər. BakuPay Sizdən tələb edilən məlumatların mühafizəsinə Müqavilədə və BakuPay-in payonix.com ünvanında dərc edilən Məxfilik Siyasətində zəmanət verir.
Məlumatları müvafiq xanalara doldurduqdan sonra Müştəri Hesabının açılması üçün qeydiyyat sorğusunun göndərilməsi məqsədilə “irəli” düyməsini sıxmalısınız. Nəzərə alın ki, təqdim etdiyiniz məlumatların düzgünlüyünə və tamlığına görə bütün məsuliyyəti özünüz daşıyırsınız.
Yuxarıda göstərilən qaydada “irəli” düyməsini sıxdıqdan sonra daxil etdiyiniz məlumatlar BakuPay-ə ötürülür. Müştəri Hesabınızın qeydiyyatını tamamladıqdan sonra Proqram Təminatı Sizə məxsus olan Proqram Təminatında Müştəri Hesabınıza daxil olmağınız, habelə Partnyor Hesabınızı idarə etməyiniz üçün fərdi identifikasiya nömrəsi və şifrə təqdim edir. Fərdi identifikasiya nömrəniz BakuPay tərəfindən müəyyən edilir və sonrakı dövrlərdə Sizin tərəfinizdən dəyişdirilə bilməz. Şifrəniz isə öz mülahizənizə uyğun olaraq Proqram Təminatında sorğu göndərməyiniz şərtilə dəyişdirilə bilər.
Hər bir halda, bununla məhdudlaşmamaq şərtilə, Müştəri Hesabınızın qeydiyyatını tamamlamağınız Sizin bu Müştərilər üçün İstifadə Qaydalarını qəbul etməyinizi təsdiq edir.
BakuPay tərəfindən bu Müştərilər üçün İstifadə Qaydalarına onun öz mülahizəsinə uyğun olaraq dəyişikliklər edilə bilər. Dəyişikliyin edilməsindən sonrakı 3 (üç) gün ərzində BakuPay bu barədə Proqram Təminatı vasitəsilə Müştəriyə məlumat verir.
Müştərilər Partnyorun Satış Nöqtəsində Partnyorun təqdim etdiyi xidmətləri və ya malları əldə edərkən Partnyor (onun əməkdaşları) Müştəriyə ödənişləri Proqram Təminatı vasitəsilə yerinə yetirməyi təklif edir. Müştəri Proqram Təminatı vasitəsilə ödənişi QR Kodu Cihaza oxutmaqla həyata keçirir və bu zaman Proqram Təminatı vasitəsilə Müştəriyə məxsus Real Manatlardan və ya Müqavilədə və Partnyorlar üçün İstifadə Qaydalarında nəzərdə tutulan hallarda Bonus Manatlardan müvafiq həcmdə məbləğ avtomatik olaraq Partnyorun xeyrinə silinir.
BakuPay Müştəri tərəfindən Satış Nöqtəsində xidmətlərin və ya malların əldə edilməsi üzrə yerinə yetirilən əməliyyatların və bağlanılan əqdlərin dəqiqliyinə, etibarsızlığına görə və ya bu əməliyyatlarla bağlı olaraq əmələ gələn hər hansı tələb üzrə məsuliyyət daşımır. BakuPay-in öhdəliklərinə yalnız Müştəri tərəfindən verilən Satış Nöqtəsində Partnyorlarıun təqdim etdikləri xidmətlərin və ya malların əldə edilməsi üzrə yerinə yetirilən əməliyyatlar üzrə edilən ödənişlərin həyata keçirilməsinə şərait yaratmaq daxildir.
Proqram Təminatı vasitəsilə Müştəri Satış Nöqtələrindən mal və ya xidmət əldə edərkən aşağıdakı yollardan istifadə etməklə ödənişləri yerinə yetirə bilər:
Müştəri bank kartını Proqram Təminatında əlavə etməklə Satış Nöqtələrində mal və ya xidmət əldə edərkən həmin bank kartlarında olan vəsaitlərdən ödəniş vasitəsi kimi istifadə edə bilərlər. Azərbaycan Respublikası ərazisində fəaliyyət göstərən istənilən bankın kartları Proqram Təminatında əlavə edilə bilər.
Bank kartını əlavə etmək üçün Müştəri Hesabına daxil olaraq “bank kartı əlavə et” düyməsini sıxmalısınız. Bundan sonra açılan pəncərədə tələb edilən məlumatları müvafiq xanalara daxil etməlisiniz. BakuPay-ın həmin məlumatların mühafizəsinə dair qaydaları payonix.com ünvanında dərc edilən Məxfilik Siyasətində nəzərdə tutulur.
Elektron Pul Qabında Real Manatlar və Bonus Manatları toplanır. Elektron Pul Qabında Real Manatlar aşağıdakı iki formada artırılır:
Elektron Pul Qabında Real Manatları bank kartından istifadə edilməsi yolu ilə artırmaq üçün Müştəri Hesabında müvafiq düyməni sıxaraq açılan pəncərədə bank kartı barədə tələb edilən məlumatları və köçürmək istədiyiniz məbləği daxil etməlisiniz. Bundan sonra Azərbaycan Respublikası ərazisində xidmət göstərən prosessinq şirkətləri və ya banklar vasitəsilə bank kartınızdan müvafiq həcmdə məbləğ çıxılır və buna müvafiq olaraq Elektron Pul Qabınızdakı Real Manatlarınız artır. Nəzərə alın ki, bank kartınızdan pulların çıxarılmasını Azərbaycan Respublikası ərazisində xidmət göstərən prosessinq şirkətləri və ya banklar həyata keçirir və BakuPay bunun üçün heç bir məsuliyyət daşımır.
Elektron Pul Qabında Real Manatları ödəniş sistemlərindən köçürmələr vasitəsilə artırmaq üçün, əvvəlcə, BakuPay ilə əməkdaşlıq edən ödəniş sistemində “Payonix” xanasını seçməli, daha sonra Müştəri Hesabınızın fərdi identifikasiya nömrəsini daxil edərək artırmaq istədiyiniz məbləğdə pul daxil etməlisiniz. BakuPay ilə əməkdaşlıq edən ödəniş sistemlərinin siyahısı payonix.com ünvanında dərc edilir.
Müştəri istənilən vaxt məbləğin 5 (beş) faizi həmində cərimə məbləği ödəməklə Elektron Pul Qabında olan Real Manatları geri ala bilər. Bunun üçün, Müştəri BakuPay-ə 1 (bir) ay əvvəlcədən yazılı qaydada tələb göndərməlidir. Müştərinin BakuPay-ə göndərdiyi tələbdə onun bank hesabı məlumatları da göstərilməlidir. Bundan sonra, BakuPay yuxarıda göstərilən faiz dərəcəsində cərimə məbləğini çıxmaqla geri qalan pul vəsaitini Müştərinin təqdim etdiyi bank hesabına göndərir.
Satış Nöqtələrində mal və ya xidmət əldə edərkən Satış Nöqtəsinin kassasında yerləşdirilən QR Kodu Proqram Təminatı vasitəsilə Cihazınıza oxutmalısınız. Bundan sonra, açılan pəncərədə əməliyyatın qiymətini daxil etməlisiniz. Bununla, Real Manatlarınızdan müvafiq həcmdə məbləğ avtomatik olaraq çıxılır.
Real Manatlarınızdan müvafiq məbləğin çıxılması ilə bərabər, Elektron Pul Qabınızda hər bir əməliyyatın dəyərinin BakuPay və Partnyor arasında bağlanılan Əməkdaşlıq, Proqram Təminatı Xidmət Modeli və Lisenziya Müqaviləsində göstərilən faizi məbləğində Bonus Manat hesablanır.
Elektron Pul Qabınızda hesablanan Bonus Manatlardan Satış Nöqtələrində mal və ya xidmət əldə edərkən istifadə edə bilərsiniz. Bonus Manatlar 2 (iki) il müddətində Müştəri tərəfindən istifadə edilməzsə, Müştərinin Elektron Pul Qabından avtomatik olaraq silinir.
Siz həmçinin Proqram Təminatından istifadə etməklə digər şəxslərə pul köçürə bilərsiniz.
Müştəri bəyan edir və zəmanət verir ki, heç bir halda Proqram Təminatından istifadə etməklə digər şəxslərə pul köçürən zaman o, çirkli pulların yuyulmasında və terrorçuluğun maliyyələşdirilməsində iştirak etməyəcək. Bundan əvvəlki cümlədə nəzərdə tutulan iştirakçılığa aşağıdakılar daxildir:
BakuPay bəyan edir ki, o, çirkli pulların yuyulması və terrorçuluğun maliyyələşdirilməsi əməllərini şiddətli şəkildə qınayır və heç bir halda həmin əməllərin törədilməsində iştirak etməyəcək. Müştəri tərəfindən həmin əməllərin törədilməsində iştirak edilməsi (iştirakçılığın istənilən növü ilə) onun üçün Azərbaycan Respublikasının qanunvericiliyində nəzərdə tutulan qaydada məsuliyyət yaradır.
Nəzərə alın ki, Proqram Təminatı üzrə bütün mülkiyyət və əqli-mülkiyyət hüquqları BakuPay-ə məxsusdur. Payonix.com ünvanından yüklədiyiniz Proqram Təminatının hər bir nüsxəsi Sizə BakuPay tərəfindən lisensiyaya verilmiş hesab edilir.
Lisenziya qeyri-müstəsna olmaqla, Müştəridən hər hansı qonorar ödənilməsini tələb etmir. Proqram Təminatının BakuPay tərəfindən lisenziyalaşdırılması, heç bir halda, Proqram Təminatının və ya onun nüsxələrinin satılması, güzəşti və ya bağışlanması kimi şərh edilə bilməz.
Müştəri Proqram Təminatı üzrə aşağıdakı hərəkətləri yerinə yetirməməlidir:
Nəzərə alın ki, Proqram Təminatının yalnız obyekt kodunda olan versiyası lisenziyalaşdırılır və Proqram Təminatının mənbə kodu heç bir şəkildə ötürülmür.
Müştəri heç bir halda bu Proqram Təminatını çirkli pulların yuyulması, vergidən yayınma və terrorçuluğun maliyyələşdirilməsi üçün istifadə etməyəcək, habelə müvafiq qanunvericilik aktlarına riayət edəcək.
Proqram Təminatın istifadəsində və bu Qaydalar çirkin pulların yuyulması, vergidən yayınma və terrorçuluğa dəstəyə dair mövcud olan qanunlar və təcrübələr tətbiq olunacaq. Həmin aktlara xüsusi olaraq cinayət məcəlləsi və əlaqəli qanunlar, mütəxəssislərə tətbiq olunan qaydalar və BakuPay-in təsis olunduğu ölkənin tərəfdar çıxdığı beynəlxalq müqavilələr tətbiq olunur.
Müvafiq qanunvericiliyə əsasən BakuPay Müştəri tərəfindən Proqram Təminatın çirkli pulların yuyulması, vergidən yayınma və terrorçuluğun dəstək üçün istifadə etməsini bilsə, ehtimal etsə və ya onun hər hansı bir əsaslı şübhələri olarsa, o, bu barədə müvafiq dövlət orqanlarına məlumat verməlidir.
Müştəri təsdiq və bəyan edir ki, o bu Proqram Təminatını istifadə edərərk təsis olunduğu, vətəndaş olduğu və ya fəaliyyət göstərildiyi heç bir ölkədə vergi öhdəliklərini pozmur və burada qeyd olunan BakuPay-in xidmətləri hər hansı bir qanunsuz məqsəd üçün istifadə etməyəcək və Müştəri bununla əlaqədar olaraq BakuPay-i hər hansı bir məsuliyyətdən birmənalı olaraq azad edir.
Müştəri istənilən vaxt Proqram Təminatında Müştəri Hesabını deaktiv edə bilər. Aşağıdakı hallarda, BakuPay Müştəri Hesabını ləğv edə bilər:
Müştəri Hesabının ləğv edilməsindən sonra 1 (bir) il müddətində Müştəri istənilən vaxt BakuPay-ə yazılı tələb göndərməklə Elektron Pul Qabında olan Real Manatların geri qaytarılmasını tələb edə bilər. Müştərinin göndərdiyi yazılı tələbdə Müştərinin bank hesabı rekvizitləri də göstərilməlidir. Yazılı tələb BakuPay-ə çatdığı andan etibarən 1 (bir) ay müddətində BakuPay həmin Real Manatları Müştərinin bank hesabına köçürür.